Mpinzani wa Kiduku Kutua Nchini

Mbabe wa masumbwi mwenye rekodi, Sirimongkhon Iamtuam atawasili nchini Oktoba 24 mwaka huu akiwa na wasaidizi wake wakitokea nchini kwao Thailand kumkabili Mtanzania Twaha kassim kiduku kugombea mkanda wa WBC uzito wa super middle weight.

 

Katibu wa shirikisho la masumbwi PST, Antony Lutha amesema kwamba matayarisho kuelekea pambano hilo la Oktoba 30 mwaka huu yamekamilika kwa kiasi kikubwa.

Pambano hilo linatarajiwa kufanyika katika ukumbi wa PTA huku waamuzi watakaoamua pigano hilo wakitajwa kuwa ni Filermon Mweya kutoka Namibia, Mtanzania John Chagu na Ms Lynette Onam wa Kenya huku Irene Semaya toka Uganda akitajwa ndiye msimamizi mkuu wa pambano hilo.

 

Rekodi inaonesha mthailand, Sirimongkhon lumthuan amecheza mapambano 101 huku akipigwa mechi 4 tu na kwa upande wa Kiduku kapanda ulingoni mara 22 na kapigwa mechi 6 na droo mara 1.




Toa comment